ومحل في المنصورة وصاروا أحسن من الأول ورنا عوض عليهم خسايرهم وانفتح البيت وبقت أشيتهم معدن وشوف فوزي أفندي الصيدلي وتجار الخشب والحطب والماني فاتوره والحراير والأجواخ والخردجية وأدمات العمارات وغيرها اللي تركوا الكسل ولا عرفوش مسألة المعاجين الملعونة دي والفتوا لحالهم لما صبحت تجارتهم متقدمة وأحوالهم كدا طيب. صحيح إن فيه بعض مغفلين من أولاد اليوم اللي يروح يقضي حاجته كلها من الغريب لكن يوم في يوم يرجعوا ويعرفوا أنهم غلطانين في العمايل دي وياخدوا حاجتهم من أولاد بلدهم ما دام يلاقي الحاجة اللي رايح ياخدها من الخواجه موجودة عند ابن بلده ما هو يرجع ياخد منه بس ركهم على شوية كلام من الأستاذ تفوقهم من الغفلة دي وهما يرجعوا يتندموا أو يقولوا يا ريت اللي جرى ما كان. وأما مسألة المعاجين والحشيش والحلاوه المعسلة والبلح والمربات المصنوعة بالدهنة دي كلها أمور باطلة ما حواليهاش إلا الجبن وقعاد الراجل زيو زي المره وبزيادة علينا يا سيد عفيفي من الأمور المسخره دي بدنا نفتح عينينا ونشوف الدنيا بقت إزاي. إنت منتش شايف الناس اللي فاتوا بلادهم وجم يجروا على عيشهم وتجارتهم وإحنا بس قاعدين نقول النصارى وحشين الإفرنج غشاشين الخواجات مكارين وبدل ده وداه ما نجاهد إحنا كما ونمشي مشي الرجاله لما ينعدل حالنا زيهم. إحنا بقينا حدوته في أحنكة الناس والداهية أن كل من دخل البلاد يقول لنا يلا فلاحين وإن شم واحد PageV01P447 # يقول له امشي فلاح زي ما يقول للواحد يا حمار يا طور ودا كله من نومنا وخوفنا من الناس بسبب الحشيش اللي كسر قلبنا وخلانا ورا الناس. س. طيب أهو الفلاح ما ياكلشي حشيش ولا معاجين أمال ما بيتشطرشي زي الخواجات لي. ح. بقى إنت عاوز إن الفلاح إللي طول النهار ورا المحراث ولأ القصاببه ويرجع آخر النهار ما يصدق يجيب جنبه الأرض من القرف والتعب هوا اللي يشوف قرف أمور الدنيا ويسعى في مصلحتنا الرك كله على أهل البنادر والناس الباينين في البلاد هما لما يعملوا جمعية على شان حاجة ولا ياخدو نواب للبلاد رايحين ياخدوا من الفلاحين الضعفا ولا من أعيان البنادر وعمد البلاد تملى الناس الباينين في كل حته هما اللي عليهم كلام ومين بياخد المعاجين والحشيش والخمره غير الناس المتبينين وإن كان فينا كام واحد لا يعرفوا دا ولا دا ولكن دول ناس قليلين. وإنت بدل ما تقول على اجدعان أولاد اليوم دول أولاد آخر زمن دول جماعة
نطاطه دول عيال دول مجانين ما تمشي وياهم وتعلمهم الكمال وهما يستحوا منك مره في مره ينعدل حالهم ويمشوا طيب ولا لما تسيبهم في حل شعرهم وكل ما جت سيرتهم تشتمهم ما يفضلوا على ما هم فيه ويكرهوك ويبقى إذا جا واحد غريب وعاز يعمل فيك حاجه هما يساعدوه من غيظتهم منك. س. طيب وليه الناس ما توريش بعضها السكة العدلة خليهم يستقيموا ويمشوا في حالهم. ح. آهو الجرانيل نازلة نازلة طيبه والأستاذ كل يوم يقول لنا أشكال وألوان ويورينا طرق سهلة بس ركك على كوني أحد إيدي في إيدك ونتفق على المشي في طريقه من PageV01P448 # اللي بيقول عليها. س. بقى الكلام موش ليه ولك بس إحنا ويانا ناس طيبين كثير نشاورهم ونشوف إياك ربنا يهديهم ونفضها من التجرمه وقلة الحيا ويكفي اللي جرى أنا والله يا معلم حنفي أعرف اللي بتقوله دا كله وبس باقول لك الكلام دا أشوف رايح تقول إيه والا إحنا في غفلة كبيرة والداهيه بعدنا عن بعض وعداوتنا لبعض بالكدب وكل واحد فاهم في نفسه إنه هو الوحيد وهو العاقل وهو اللي ما فيش حد زيه مع إن دا كله قلة عقل ولا واحد في الدنيا إلا وله فايدة وله محاسن ما توجد في غيره يا ترى أنا يا بياع العطورات رايحشي أبقى زي النجار ولا الحداد ولا زي الخياط وإذا كانوا ناس في صنعه واحده فكل واحد له مزيه جنس وإحنا محتاجين لبعضنا وكل إنسان يبذل ما عنده وإما بالله عليك إذا قعدنا بس نذم بعضنا ونفتخر بالكدب وكل إنسان ما بيدور إلى على هم بطنه ومنفعة نفسه إيش رايح يفيد البلاد من دا ومنين نشوف زي تقدم الإفرنج اللي تافين في حنك بعضهم وكل واحد يساعد أخوه ويمدح فيه وماشيين زي الألف. ح. والله جبت الغايبه يا سيد عفيفي طيب شوف النصين دول لما أروح أجيب حاجه للعيال وأرجع نتكلم كما كلمتين إياك نرسي لنا على طريقة ويا إخواننا اللي ربنا يهديهم ويصلح حالهم.